សមត្ថកិច្ចស្ទាក់ចាប់បានតែរថយន្ត ចោររត់បាត់
28-April-2016 | ដោយ មែន កំសត់
កំពង់ចាម ៖ រថយន្តម៉ាកFORD RANGER មួយគ្រឿងស៊េរី២០០៨ ពណ៌ទឹកប្រាក់ពាក់ស្លាកលេខ ពោធិសាត់2A-0894 ដែលទុកនៅខាងមុខផ្ទះ ជាកម្មសិទ្ធរបស់អ្នកលក់គ្រឿងសំណង់ម្នាក់ឈ្មោះ លី ផល្លា ភេទប្រុស អាយុ៣៩ឆ្នាំ ។ ត្រូវបានចោរមួយក្រុមមានគ្នា៣នាក់ បានមកធ្វើសកម្មភាពលួចបើកយកពីមុខផ្ទះ កាលពីវេលាម៉ោង១០និង៤៦នាទីយប់ ថ្ងៃទី២៦ មេសា ២០១៦ ក្បែរផ្សារព្រៃទទឹង ក្នុងភូមិព្រៃទទឹង ឃុំជ្រៃវៀន ស្រុកព្រៃឈរ ដោយបានបើករត់គេចរហូតដល់ មុខអធិការដ្ឋាននគរបា លស្រុកបាធាយ ត្រូវបានកម្លាំងសមត្ថកិច្ចដេញស្ទាក់ចាប់បាន តែក្រុមចោរបានបើកទ្វាររថយន្តរត់គេចប្រញាប់គេចខ្លួនបាត់អស់ ទាំងកណ្តាលអាធ្រាត្រ។
លោកវរសេនីយ៏ទោ កែវ ស៊ាងហ៊ន់ អធិការនគរបាលស្រុកព្រៃឈរប្រាប់ឲ្យដឹងថា តាមទន្លាប់ ម្ចាស់ផ្ទះខាងលើ តែងតែបានទុករថយន្តនៅខាងមុខផ្ទះ ជារៀងរាល់យប់ជាច្រើនឆ្នាំមកហើយ ពុំដែលមានបាតុភាពណាមួយកើតឡើងនោះទេ ហើយថែមទាំងមិនមានរបងបាំងទៀតផង ។ លោកវរសេនីយ៏ទោ កែវ ស៊ាងហ៊ន់ អធិការនគរបាលស្រុកព្រៃឈរ ប្រាប់បន្តថាស្រាប់តែនៅយប់ថ្ងៃ ទី២៦មេសា បែរជាឮសូរសំឡេងរថយន្តបានបើកចេញពីមុខផ្ទះ ឆ្ពោះចេញទៅទិសខាងលិចតាមផ្លូវ ជាតិលេខ៧ បន្តិចក្រោយមកអ្នកជិតខាងបានឃើញពីហេតុការណ៏នេះ ក៏ប្រញាប់ទូរស័ព្ទសួរនាំម្ចាស់ ផ្ទះគឺបានឆ្លើយតបថាមិនបានចេញទៅណាទាំងយប់ទេ កំពុងតែដេកនៅក្នុងផ្ទះ ។
ទើបដឹងថាប្រាកដ ជាមានចោរមកចូលលួចបើកទៅហើយ ជាមួយនោះរូបលោកបានទូរស័ព្ទ ឲ្យអធិការនគរបាលស្រុក ជើងព្រៃ និងស្រុកបាធាយចាំស្ទាក់ ព្រមទាំងបានប្រាប់ពីភិនភាគរថយន្ត និងស្លាកលេខថែមទៀត បន្ទាប់មកស្រាប់តែកម្លាំងនគរបាលស្រុកបាធាយ បានឃើញរថយន្តរបស់អ្នកលក់គ្រឿងសំណង់បាន បើកមកដល់មុខអធិការដ្ឋាននគរបាលស្រុកបាធាយ ក៏សមត្ថកិច្ចបានលើកសញ្ញាឲ្យឈប់ រថយន្តបា នឈប់ពីចម្ងាយក៏មនុស្សក្នុងរថយន្ត៣នាក់ បាននាំគ្នាប្រញាប់បើកទ្វាររថយន្តលោតចុះរត់គេចខ្លួន បាត់អស់បន្សល់ទុកតែរថយន្តប៉ុណ្ណោះ ។
លោកវរសេនីយ៏ទោ កែវ ស៊ាងហ៊ន់ អធិការនគរបាលស្រុកព្រៃឈរ បញ្ជាក់ថារហូតមកដល់ព្រឹកថ្ងៃទី ២៧មេសា ២០១៦ លោកស្នងការនគរបាលខេត្ត បានបញ្ជាឲ្យប្រគល់រថយន្តនោះទៅឲ្យម្ចាស់ ដើមវិញ ។ ជាមួយគ្នានេះដែរ ម្ចាស់រថយន្តបានថ្លែងអំណរគុណយ៉ាងជ្រាលជ្រៅចំពោះសម ត្ថកិច្ចដែលតាមប្រមាញ់រថយន្ត ដែលចោរលួចនោះបានមកវិញ ។ ទន្ទឹមនោះក៏បានណែនាំដល់ ម្ចាស់រថយន្តត្រូវតែបង្កើនការប្រុងប្រយ័ត្នខ្ពស់ នៅថ្ងៃក្រោយកុំឲ្យមានការធ្វេសប្រហែសបន្តទៀត៕
ចំនួនអ្នកទស្សនា
- ថ្ងៃនេះ2381
- ម្សិលមិញ20231
- សប្តាហ៍នេះ81461
- ខែនេះ103341
- ឆ្នាំនេះ103341
- សរុប20545797